Aktori i njohur hollivudian John Travolta ka emocionuar publikun me një rrëfim për bashkëshorten e tij të ndjerë, Kelly Preston, dhe krenarinë që ndien për fëmijët e tyre.
Në një intervistë të fundit, aktori 72-vjeçar tha se fëmijët e tij kanë tejkaluar çdo pritshmëri dhe janë arritja më e madhe e jetës së tij.
“Mund të largohem nga kjo jetë duke e ditur se kam bërë një punë të mirë dhe se edhe Kelly e ka bërë”, u shpreh ai.
Preston ndërroi jetë në vitin 2020, në moshën 57-vjeçare, pas një beteje me kancerin e gjirit. Çifti kishte tre fëmijë: Ella Bleu, 26 vjeçe, Benjamin, 15 vjeç, dhe Jett, i cili vdiq në vitin 2009, në moshën 16-vjeçare.
Së fundmi, Travolta nderoi kujtimin e bashkëshortes duke publikuar pamje nga debutimi i vajzës së tyre Ella në Javën e Modës në Paris, duke shprehur bindjen se Kelly do të ishte jashtëzakonisht krenare për të.
Pavarësisht humbjeve të dhimbshme, aktori thotë se vazhdon të kërkojë anën pozitive të jetës, duke e konsideruar familjen burimin e tij më të madh të lumturisë.