Kompania SpaceX e Elon Musk ka shënuar një arritje të rëndësishme në eksplorimin hapësinor, pasi anija kozmike Starship u kthye me sukses në Tokë dhe u kap në ajër nga krahët gjigantë mekanikë të kullës së lëshimit. Gjatë fluturimit të 15-të provë, anija realizoi 14 rrotullime rreth Tokës në një lartësi prej rreth 265 kilometrash dhe lëshoi 26 satelitë Starlink. Megjithatë, misioni nuk kaloi pa probleme, pasi pjesa shtytëse e raketës përfundoi në oqean dhe u përfshi nga flakët.
Elon Musk përgëzoi ekipin e SpaceX për suksesin, ndërsa NASA e cilësoi këtë arritje si një hap të rëndësishëm drejt misioneve të ardhshme në Hënë. Starship, raketa më e madhe dhe më e fuqishme në botë, me gjatësi 124 metra, po zhvillohet për t’u përdorur në udhëtime të përsëritura hapësinore. NASA synon ta përdorë për transportimin e astronautëve drejt Hënës, ndërsa ambicia afatgjatë e Musk mbetet dërgimi i njerëzve në Mars dhe ndërtimi i një qyteti atje.
