Elizabeth Taylor nuk krijoi thjesht një parfum, por një nga aromat më të suksesshme në histori. Sipas ndihmësit të saj prej shumë vitesh, Tim Mendelson, parfumi “White Diamonds”, i lançuar në vitin 1991, erdhi në një moment kur aktorja po rindërtonte jetën e saj pas problemeve shëndetësore dhe rehabilitimit.
Fillimisht, Taylor nuk ishte e bindur të krijonte një aromë të re, pasi parfumi i saj i parë, “Passion”, kishte qenë tashmë një sukses. Megjithatë, ajo pranoi vetëm me kusht që të ishte e përfshirë në çdo detaj të procesit të krijimit. Rezultati ishte “White Diamonds”, një parfum që ndryshoi industrinë dhe hapi rrugën për markat e aromave të shumë personazheve të famshëm.
Sipas Mendelson, emri dhe frymëzimi i parfumit lidhej me dashurinë e Elizabeth Taylor për diamantet, të cilat ishin bërë pjesë e pandashme e imazhit të saj. Aroma u kthye në një fenomen botëror dhe mbetet një nga parfumet e famshëm më të shitur të të gjitha kohërave.
Për të shënuar 35-vjetorin e tij, është prezantuar “White Diamonds Icon”, një version i ri që ruan elegancën e aromës origjinale, ndërsa nderon trashëgiminë e aktores. Një pjesë e të ardhurave nga produktet e markës vazhdon të mbështesë Elizabeth Taylor AIDS Foundation, duke vazhduar misionin humanitar të ikonës së Hollywood-it.