Sot, më 28 korrik, shënohet Dita Botërore e Hepatitit, një sëmundje që në shumë raste zhvillohet pa simptoma dhe zbulohet vetëm kur ka shkaktuar dëmtime serioze në mëlçi. Ekspertët paralajmërojnë se hepatiti viral mund të çojë në cirrozë ose kancer të mëlçisë nëse nuk diagnostikohet dhe trajtohet në kohë, ndaj testimet dhe kontrollet e rregullta janë thelbësore.
Mjekët theksojnë se hepatiti B mund të parandalohet me vaksinim, ndërsa hepatiti C sot mund të trajtohet me sukses në shumicën e rasteve. Organizata Botërore e Shëndetësisë u bën thirrje vendeve të rrisin ndërgjegjësimin dhe qasjen në testim e trajtim, pasi miliona njerëz në botë jetojnë me hepatit pa e ditur.