Ikona e muzikës country-pop, Shania Twain, tërhoqi gjithë vëmendjen me paraqitjen e saj glamuroze gjatë një koncerti ekskluziv të organizuar nga SiriusXM në Racket NYC, ku festoi publikimin e albumit të saj të shtatë në studio, “Little Miss Twain”.
Gjatë koncertit, Twain interpretoi hitet e saj më të njohura si “Man! I Feel Like a Woman!”, “You’re Still the One” dhe “Come On Over”, por prezantoi edhe këngë të reja nga albumi i sapopublikuar, mes tyre “Dirty Rosie” dhe “Stranger Things”. Ajo ndau me publikun edhe historitë personale që frymëzuan krijimin e albumit, i cili është një homazh për fëmijërinë e saj në Ontario dhe për nënën e ndjerë.
Për të shënuar publikimin e albumit “Little Miss Twain”, SiriusXM ka lançuar gjithashtu kanalin special “Little Miss Twain Radio”, kushtuar repertorit dhe ndikimit muzikor të artistes kanadeze, e cila vazhdon të mbetet një nga emrat më të mëdhenj të muzikës country-pop.