Aktorja e njohur amerikane Kathleen Turner, 72 vjeçe, ka zbuluar një histori të pazakontë nga realizimi i filmit legjendar Who Framed Roger Rabbit (1988).
Gjatë një takimi me fansat në Rhode Island Comic-Con, aktorja tregoi se në ditën e fundit të regjistrimit të zërit për personazhin e famshëm Jessica Rabbit, papritur i kishin filluar dhimbjet e lindjes.
Turner kujtoi se ndodhej në studio së bashku me regjisorin Robert Zemeckis kur kuptoi se nuk mund ta vazhdonte më punën. Ajo i kishte thënë regjisorit se atë ditë nuk do të arrinin ta përfundonin regjistrimin.
Në atë periudhë, aktorja ishte në muajt e fundit të shtatzënisë dhe nuk kishte mundur të udhëtonte në Londër, ku po realizohej filmi. Për këtë arsye, regjisori i dërgonte pamje dhe vizatime të personazhit për ta ndihmuar gjatë regjistrimit.
Në tetor të vitit 1987, Turner solli në jetë vajzën e saj, Rachel Ann.
Filmi Who Framed Roger Rabbit u shndërrua në një sukses botëror, duke arkëtuar mbi 350 milionë dollarë dhe duke fituar tre çmime Oscar.
Edhe sot, pas gati katër dekadash, Jessica Rabbit mbetet një nga personazhet më të njohura të animacionit. Turner madje bëri shaka se fansat i kërkojnë më shumë autografe mbi fotografitë e Jessica Rabbit sesa mbi fotografitë e saj.