Netflix ka publikuar “East of Eden”, një nga adaptimet letrare më të shumëpritura të vitit. Miniseriali me shtatë episode bazohet në romanin e John Steinbeck dhe ka Florence Pugh në rolin e Cathy Ames. Të gjitha episodet janë të disponueshme nga 1 tetori.
Historia ndjek dy breza të familjes Trask, ku dashuria, xhelozia dhe rivaliteti mes vëllezërve ndërthuren me pasoja të rënda. Në qendër qëndron pyetja nëse fëmijët mund t’u shpëtojnë gabimeve të prindërve. Krahas Pugh, luajnë Christopher Abbott, Mike Faist dhe Hoon Lee.
Adaptimin e ka realizuar Zoë Kazan, mbesa e regjisorit Elia Kazan, i cili ekranizoi romanin më 1955 me James Dean. Versioni i ri i jep më shumë hapësirë historisë familjare dhe personazhit të Cathy.
Kritikat e para vlerësojnë veçanërisht interpretimet e Pugh dhe Ho Lee. Radio Times i dha pesë yje, ndërsa disa recensentë, megjithëse e lavdërojnë dramën, shprehin rezerva për mënyrën si përcillet thellësia filozofike e romanit.