Ndërsa kompanitë në mbarë botën po integrojnë me shpejtësi inteligjencën artificiale për të rritur efikasitetin dhe për të ulur kostot, ekspertët paralajmërojnë se kjo qasje mund të bëhet bumerang. Sipas Mehdi Paryavi, drejtor ekzekutiv i International Data Center Authority, mbështetja e gjerë në të njëjtat sisteme gjeneruese të AI-së rrezikon të eliminojë dallimet mes kompanive. Kur konkurrentët përdorin të njëjtat modele të mëdha gjuhësore për të menduar, shkruar dhe marrë vendime, kreativiteti zvogëlohet dhe inovacioni paralizohet. “Nëse ju dhe konkurenti përdorni të njëjtin mjet, atëherë askush nuk ka avantazh,” thotë Paryavi.
Ai paralajmëron se ky uniformizim teknologjik sjell fitime të shpejta, por pasoja të rënda afatgjata: kompanitë humbin ekspertizën e brendshme, varësia nga furnizuesit rritet dhe vendimmarrja bëhet e njëtrajtshme. Paryavi shkon edhe më larg, duke e krahasuar inteligjencën artificiale me një “bombë atomike kognitive” që nuk shkatërron objekte, por mënyrën se si mendojmë. Sipas tij, pa strategji të qarta dhe masa mbrojtëse, kompanitë rrezikojnë të dëmtojnë qëndrueshmërinë e tyre në treg, duke sakrifikuar identitetin dhe kreativitetin për shpejtësi dhe kosto më të ulëta.