Zendaya dhe Robert Pattinson kanë tërhequr vëmendjen e publikut me një fotosesion dramatik dhe eksperimental për edicionin e marsit të Interview Magazine, duke ndezur reagime të shumta në rrjetet sociale.
Dy aktorët, që po promovojnë filmin e tyre të ri “The Drama”, shfaqen me një estetikë të errët, gotike dhe me elemente retro që rikujtojnë stilin e filmit klasik “Whatever Happened to Baby Jane”.
Pamjet janë të guximshme, me grim të theksuar, dantella, kontraste të forta bardhë e zi dhe një atmosferë teatrale që thekson tensionin dhe misterin – duke i dhënë fotosesionit një karakter pothuajse kinematografik.
Stilizimi unik ka ndarë opinionet: disa e kanë cilësuar si “art të pastër” dhe një nga fotosesionet më të fuqishme të vitit, ndërsa të tjerë janë surprizuar nga transformimi i dy yjeve të Hollivudit.
Zendaya vazhdon të konfirmojë statusin e saj si ikonë mode dhe transformimi, ndërsa Pattinson dëshmon edhe një herë aftësinë e tij për role dhe projekte më alternative e eksperimentale.
Filmi i ri ku dyshja luajnë bashkë pritet me interes të madh, ndërsa bashkëpunimi i tyre ka shtuar kuriozitetin për projektin. Fotosesioni duket se është vetëm një paralajmërim i tonit të errët dhe emocional që pritet të ketë filmi.