Yoda është një nga personazhet më të dashur të kinemasë, dhe mënyra e tij unike e të folurit është pjesë e magjisë së tij. George Lucas ka zbuluar se stili i veçantë i Yoda-s u krijua që audienca të përqendrohej më shumë në mesazhet e tij të thella. “Nëse do të fliste normalisht, njerëzit nuk do ta dëgjonin me vëmendje,” tha Lucas, duke theksuar se kjo teknikë ndihmoi sidomos për të tërhequr të rinjtë.
Së fundmi, Disney+, Star Wars dhe LucasFilm publikuan pamje të rralla nga prapaskenat, ku Yoda dhe Frank Oz shfaqen në situata argëtuese gjatë xhirimeve. Yoda mbetet një figurë ikonike jo vetëm për fuqinë e tij, por edhe për mënyrën e veçantë se si komunikon urtësinë e tij.