Mediat britanike zbuluan listën e plotë të personazheve të njohur që do të marrin pjesë në edicionin e ri të spektaklit të famshëm viziv “I’m A Celebrity… Get Me Out of Here!”. Emri që ka bërë më shumë zhurmë është ai i legjendës së futbollit anglez dhe Manchester United, Wayne Rooney, i cili ka vendosur të heqë dorë nga jeta e përditshme për t’u përballur me sfidat e egra të xhunglës.
Përveç Rooney-t, mes 12 konkurrentëve të konfirmuar janë edhe aktorja e njohur Joanna Page, këngëtari i grupit Kaiser Chiefs, Ricky Wilson, si dhe prezantuesi e komediani Leigh Francis. Sezoni i ri, i cili nis zyrtarisht më 16 nëntor nën drejtimin e dyshes ikonike Ant dhe Dec, premton të dhurojë shikueshmëri rekord për shkak të këtij kasti mjaft të larmishëm.