Ekspertët paralajmërojnë përdoruesit e Gmail për një formë të re të sulmit phishing, ku email-et e rrezikshme arrijnë në inbox pa u shënuar si spam. Hakerët po përdorin metoda të sofistikuara për të kaluar filtrat e sigurisë duke dërguar mesazhe që duken sikur vijnë nga adresa zyrtare të Google.
Programeri Nick Johnson raportoi se mori një email mashtrues nga no-reply@google.com, i cili i kaloi verifikimet zyrtare të sistemit pa asnjë paralajmërim. Email-i përmbante një pretendim të rremë për urdhër gjykate dhe përmbante lidhje të rrezikshme.
Google ka konfirmuar se është në dijeni të sulmeve dhe po punon për përmirësimin e mbrojtjes globale. Deri atëherë, përdoruesit këshillohen të jenë veçanërisht vigjilentë ndaj emailave të dyshimta – edhe nëse duken të dërguar nga Google.