Shakira ka bërë një deklaratë emocionuese, duke thënë se djemtë e saj, Milan dhe Sasha, “lindën falë këngës Waka Waka”. Këngëtarja kolumbiane shpjegoi se pikërisht falë himnit zyrtar të Kupës së Botës 2010 ajo u njoh me ish-futbollistin Gerard Piqué, me të cilin më vonë krijoi familje dhe u bë nënë e dy djemve.
“Kjo është arsyeja pse i quaj fëmijët e mi ‘Waka kids’. Mendoj se ata lindën falë asaj kënge”, tha Shakira në një intervistë për People. Ajo shtoi se “Waka Waka” e çoi në Kupën e Botës dhe se ngjarjet që pasuan ndryshuan përgjithmonë jetën e saj.
Sot, 49-vjeçarja po përgatitet të shkruajë histori edhe një herë, pasi do të jetë një nga yjet kryesore të spektaklit të parë në historinë e finales së Kupës së Botës 2026. Shakira thotë se futbolli dhe muzika kanë qenë gjithmonë pjesë e rëndësishme e jetës së familjes së saj dhe se djemtë e saj vazhdojnë të jenë frymëzimi më i madh.