Aktorja e njohur Scarlett Johansson do të udhëheqë kastin e filmit të ri horror “The Exorcist”, një projekt i pavarur brenda kësaj franshize të famshme. Filmi do të shkruhet nga Mike Flanagan, i njohur për veprat horror si “The Haunting of Hill House” dhe “Doctor Sleep”. Megjithëse detaje të tjera rreth ngjarjes dhe personazheve nuk janë zbuluar ende, është konfirmuar zyrtarisht se Johansson, fituese e dy çmimeve Oscar, do të jetë në qendër të këtij projekti të shumëpritur. Flanagan e ka vlerësuar aktoren si një talent të jashtëzakonshëm, që arrin të sjellë performanca të sinqerta në zhanre të ndryshme.
Filmi u njoftua për herë të parë në maj të vitit 2024 dhe fillimisht ishte parashikuar të publikohej në mars 2026, por u shty për shkak të angazhimeve të Flanagan në serialin “Carrie”. Projekti i ri “The Exorcist” nuk do të lidhet me filmin e vitit 2023 “The Exorcist: Believer”, por do të sjellë një histori krejtësisht të re brenda botës së njohur të eksorcizmit.