Sarah Jessica Parker ka luajtur për gati tri dekada një nga personazhet më ikonike të televizionit, Carrie Bradshaw, por aktorja thotë se publiku vazhdon të ketë një ide të gabuar për të: se ajo dhe Carrie janë e njëjta person.
Në një intervistë për British Vogue, 61-vjeçarja u pyet se cili është keqkuptimi më i madh që njerëzit kanë për të. Përgjigjja e saj ishte e shkurtër: “Se unë jam Carrie.” Parker ka theksuar edhe më herët se ekziston një dallim i qartë mes personalitetit të saj dhe personazhit që e bëri të famshme.
Ajo e interpretoi për herë të parë Carrie Bradshaw në vitin 1998 në “Sex and the City”. Pas përfundimit të serialit në vitin 2004, Parker u rikthye në dy filma, ndërsa më vonë e luajti sërish personazhin në “And Just Like That…”, i cili përfundoi në vitin 2025 pas tri sezonesh.
Pavarësisht se këmbëngul se nuk është Carrie në jetën reale, Parker pranon se kanë të përbashkët dashurinë për modën dhe veçanërisht për këpucët. Pas përfundimit të “And Just Like That…”, ajo i kushtoi edhe një mesazh emocional personazhit që e shoqëroi për 27 vjet, duke e përshkruar si një pjesë jashtëzakonisht të rëndësishme të jetës së saj profesionale.