Prej disa muajsh, Katy Perry dhe ish-kryeministri kanadez Justin Trudeau po shihen gjithnjë e më shpesh së bashku, duke kaluar kohë sa herë që angazhimet e tyre ua mundësojnë. Miq të afërt thonë se Trudeau po tregohet i përkushtuar për ta takuar këngëtaren, e cila pas ndarjes nga Orlando Bloom po përjeton një fazë të re në jetën e saj personale. Dyshja u shfaqën publikisht në një event privat, gjë që ndezi thashethemet rreth një lidhjeje të re mes tyre.
Burime pranë çiftit pohojnë se mes Katy dhe Justin ekziston një tërheqje e fortë dhe shumë gjëra të përbashkëta, përfshirë pasionin për muzikën dhe vlerat idealiste. Megjithëse të dy kanë përgjegjësi të mëdha në jetën personale dhe profesionale, ata po gjejnë mënyra për të qëndruar në kontakt dhe për të kaluar kohë së bashku. Sipas burimeve, romanca është ende në fillimet e saj, por kimia dhe afërsia mes tyre janë bërë tashmë të dukshme.
