Është publikuar traileri zyrtar i filmit biografik Michael, që sjell në fokus jetën dhe karrierën e ikonës së muzikës, Michael Jackson. Në rolin kryesor shfaqet Jaafar Jackson, nipi i Mbretit të Pop-it, i cili interpreton xhaxhain e tij në këtë projekt ambicioz kinematografik.
Filmi ndjek rrugëtimin e Michael Jackson përtej skenës dhe famës — nga zbulimi i talentit si lider i Jackson Five deri te shndërrimi në një artist vizionar. Prodhimi synon të pasqyrojë jetën personale dhe performancat më ikonike të karrierës së hershme solo, duke ofruar një vështrim intim mbi figurën e tij.
