Paris Hilton ka ndarë me ndjekësit momente të veçanta nga festimi i Pashkëve së bashku me fëmijët e saj, London dhe Phoenix, të cilët ajo i quan me dashuri “Cutesie Crew”. Në pamjet e publikuara, familja shihet duke shijuar një atmosferë festive në shtëpi, me dekorime shumëngjyrëshe, vezë të Pashkëve dhe lojën tradicionale të kërkimit të vezëve (“egg hunt”).
Një detaj që tërhoqi vëmendje ishte edhe stili i tyre: Paris dhe vajza e saj London u shfaqën me veshje identike blu me motive lulesh, ndërsa Phoenix ishte i veshur elegant me një kombinim klasik. Festa përfshinte dhurata, shporta me vezë dhe shumë momente loje e buzëqeshjeje.
Përmes këtyre postimeve, Paris Hilton vazhdon të tregojë një anë më të ngrohtë dhe familjare të jetës së saj, duke theksuar se mëmësia është një përvojë që e ka ndryshuar plotësisht dhe i sjell lumturi të veçantë çdo ditë.