Filmi fantastiko-aksion Masters of the Universe do të mbërrijë në kinema muajin e ardhshëm, ndërsa traileri i ri është publikuar pas premierës hollivudiane. Historia ndjek të riun Adam, të luajtur nga Nicholas Galitzine, i cili fiton Shpatën e Fuqisë dhe shndërrohet në He-Man për të mbrojtur botën magjike të Eternia-s. Në film luajnë edhe Idris Elba, Camila Mendes, Jared Leto dhe Morena Baccarin.
Franshiza Masters of the Universe filloi si linjë lodrash nga Mattel në vitet ’80 dhe më pas u shndërrua në seriale të animuara si He-Man and the Masters of the Universe dhe She-Ra: Princess of Power. Pas dekadash përpjekjesh për rikthim, ky projekt konsiderohet tentativa më e madhe për ta rikthyer markën në qendër të vëmendjes. Filmi është drejtuar nga Travis Knight dhe pritet të dalë në fillim të qershorit.