Macaulay Culkin ndoqi ceremoninë e Oscar-ve vetëm për një moment – shpalljen e vëllait të tij, Kieran Culkin, si fitues i çmimit për aktorin më të mirë në rol dytësor për filmin A Real Pain. Aktori i Succession shtoi kështu një tjetër trofe në koleksionin e tij, ku përfshihen edhe Golden Globe, BAFTA dhe SAG Awards.
Në një intervistë për Variety, Macaulay pranoi se nuk e ndoqi të gjithë ceremoninë: “Pashë vetëm kategorinë për aktorin më të mirë në rol dytësor. Kjo ishte e vetmja gjë që më interesonte. Qava. Dhe mendova: ‘Do ta shoh më vonë.’” Edhe pse nuk ishte i pranishëm në ceremoni, ai dhe bashkëshortja e tij, Brenda Song, morën pjesë në festën pas Oscar-ve. Kur u pyet nëse do ta takonte vëllanë atë natë, ai me humor u përgjigj: “Nuk e di, ai është një njeri i zënë. Kieran Culkin, fitues i Oscar-it – ka axhendë të ngarkuar!”