Studiuesit prej vitesh theksojnë se truri duhet të stërvitet njësoj si muskujt e trupit. Tani, një studim i ri tregon se një lloj specifik i “lojërave për trurin” mund të ndihmojë në parandalimin ose shtyrjen e demencës deri në 25% te personat mbi 65 vjeç.
Por, ndryshe nga sa mendohet, nuk bëhet fjalë për fjalëkryqe apo enigma klasike
Hulumtimi u fokusua në një lojë interaktive kompjuterike që teston vëmendjen e ndarë.
Në ekran shfaqet një skenë (qytet, shkretëtirë, fshat) me një makinë në sfond, ndërsa njëkohësisht dalin shenja trafiku që shpërqendrojnë lojtarin. Detyra është të identifikohet sa më shpejt vendndodhja e Route 66 dhe të klikohet makina e duhur.
Sa më shumë përparon lojtari, aq më të vështira bëhen detyrat.
Sipas studiuesve, ky lloj trajnimi:
- Aktivizon zona të ndryshme të trurit
- Forcon lidhjet neuronale
- Rrit plasticitetin e trurit
- Ndihmon në krijimin e asaj që quhet rezervë kognitive
Rezerva kognitive është aftësia e trurit për t’u përshtatur dhe për të ruajtur funksionin normal pavarësisht plakjes ose sëmundjes. Sa më e madhe kjo rezervë, aq më vonë mund të shfaqen simptomat e demencës.
Një tjetër studim ka treguar se ky lloj trajnimi ndihmon në ruajtjen e acetilkolinës, një neurotransmetues i rëndësishëm për përqendrimin, kujtesën dhe vigjilencën.
Mirëpo, ekspertët paralajmërojnë se trajnimi kognitiv është vetëm një pjesë e mozaikut.
Për shëndet optimal të trurit nevojiten:
- Ushqim i shëndetshëm
- Aktivitet fizik i rregullt
- Gjumë cilësor
- Menaxhim i stresit
- Marrëdhënie pozitive sociale
Pra truri ka nevojë për sfida të reja, por edhe për një stil jetese të balancuar.