LeBron James ka fituar një tjetër status ylli — këtë herë jo në parket, por në botën e lodrave! Ylli i Los Angeles Lakers është shpallur “Kenbassador”-i i parë i linjës së famshme të kukullave Barbie, për ndikimin e tij në kulturë, stil dhe komunitet.
Kukulla e LeBron-it është realizuar me detaje të jashtëzakonshme — me mjekrën karakteristike, xhup personal, çantë krahu, syze dielli, kufje Beats, orë ari dhe veshje nga Fondacioni i tij “LeBron James Family Foundation”. Edhe atletet janë me shënime të personalizuara, njësoj si ato që LeBron vesh para çdo ndeshjeje. Mattel zgjodhi t’i vendosë një kapele, duke shmangur çdo debat për vijën e flokëve të tij!
Kukullat do të jenë në shitje për 75 dollarë në dyqane dhe online. Dhe ndonëse janë lodra, duket se jo vetëm fëmijët do të jenë në garë për t’i pasur.
