Kylie Minogue ka treguar në një dokumentar të ri të Netflix se diagnoza me kancer të gjirit vazhdon të ndikojë emocionalisht tek ajo edhe pas 20 vitesh. Ajo e përshkroi momentin kur mori lajmin si një “shok” dhe tha se ishte një përvojë shumë e thellë që ende e shoqëron. Dokumentari flet edhe për periudhat e vështira të fillimit të karrierës së saj, kur kaloi nga seriali Neighbours në muzikë dhe shpesh ndihej e poshtëruar nga trajtimi i mediave.
Këngëtarja pranoi se për vite kishte refuzuar të realizonte një dokumentar personal, por tani vendosi të hapet më shumë për publikun. Ajo tha se muzika mbetet “shoqja e saj më e mirë” dhe la të kuptohej se mund të rikthehet përsëri me një performancë në Hyde Park.