Shumë njerëz mendojnë se pirja e një cigareje herë pas here nuk është e rrezikshme. Megjithatë, edhe një cigare e vetme mund të shkaktojë ndryshime të dëmshme në enët e gjakut.
Kardiologu José Abellán shpjegon se substancat toksike të tymit të duhanit irritojnë muret e arterieve dhe nxisin procese inflamatore, duke ndikuar në funksionimin normal të tyre.
Sipas tij, disa studime kanë treguar shenja të rritjes së inflamacionit në arterie edhe pas pirjes së vetëm një cigareje.
Arteriet kanë rol jetësor, pasi transportojnë gjakun e pasur me oksigjen dhe lëndë ushqyese drejt organeve dhe indeve. Kur dëmtohen, rritet rreziku për sëmundje të zemrës dhe qarkullimit të gjakut.
Kardiologu paralajmëron se dëmet bëhen edhe më serioze me pirjen e rregullt të duhanit, ndërsa thekson se as duhanpirja e rastësishme nuk duhet konsideruar e padëmshme.


