Këngëtari i njohur amerikan Justin Timberlake ka dhuruar një nga momentet më prekëse të një eventi bamirësie, duke u shfaqur në pasarelë përkrah mbesës së tij 7-vjeçare, Zaya, dhe dy djemve të tij.
Ngjarja u zhvillua në Denver të Kolorados, gjatë edicionit të 19-të të sfilatës bamirëse Be Beautiful Be Yourself, organizuar nga Global Down Syndrome Foundation.
Zaya, e cila ka sindromën Down, ishte në qendër të vëmendjes. Timberlake e mori në krahë, kërceu me të dhe përshëndeti publikun, ndërsa të pranishmit i duartrokitën me entuziazëm.
Në këtë moment të veçantë iu bashkuan edhe dy djemtë e këngëtarit me aktoren Jessica Biel, Silas, 11 vjeç, dhe Phineas, 6 vjeç.
Zaya u shfaq me një fustan të bardhë të zbukuruar me fjongo të zeza, ndërsa Timberlake dhe djemtë e tij kishin zgjedhur veshje elegante në ngjyrë të zezë.
Këngëtari, 45 vjeç, shprehu krenarinë për mbesën e tij, duke theksuar se çdo person me sindromën Down meriton mundësinë për të zhvilluar plotësisht potencialin e vet.
Edhe pse Jessica Biel nuk ishte e pranishme këtë vit, ajo e ka mbështetur prej kohësh këtë iniciativë dhe më parë ka marrë pjesë në të njëjtën sfilatë përkrah mbesës së saj.
Mbrëmja kishte për qëllim ndërgjegjësimin dhe mbledhjen e fondeve për kërkime shkencore, kujdes shëndetësor dhe përmirësimin e cilësisë së jetës së personave me sindromën Down.