Jennifer Lopez ka zbuluar se një film i veçantë e ndihmoi të përballonte një nga periudhat më të vështira të jetës së saj, divorcin nga Ben Affleck.
Gjatë një paraqitjeje në podcastin “Films to Be Buried With”, ku ishte e ftuar së bashku me aktorin Brett Goldstein për promovimin e komedisë romantike të Netflix “Office Romance”, këngëtarja dhe aktorja foli hapur për filmat që kanë lënë gjurmë në jetën e saj.
Lopez tregoi se filmi brazilian “I’m Still Here” (Ainda Estou Aqui) e preku thellësisht gjatë periudhës së ndarjes nga Affleck. Ajo tha se e pa filmin gjatë festave të fundvitit, ndërsa ishte e sëmurë dhe në shoqërinë e babait të saj.
“Babai ishte ulur pranë meje dhe papritur diçka u thye brenda meje. Fillova të qaja duke menduar për fëmijët e mi, marrëdhënien me babanë dhe gjithçka që kisha kaluar”, rrëfeu Lopez.
Aktorja tha se nuk arriti t’i fshehë emocionet dhe se lotët i rridhnin pa pushim gjatë filmit. Sipas saj, biseda që pati më pas me të atin e ndihmoi të shëronte një pjesë të vetes dhe ta linte pas një kapitull të rëndësishëm të jetës.
“Ky film më ndryshoi dhe më ndihmoi të piqesha”, tha Lopez.
Gjatë intervistës, ajo përmendi edhe filma të tjerë që kanë ndikuar në jetën e saj, përfshirë “West Side Story”, “Flashdance”, “9½ Weeks”, “The Notebook” dhe “True Romance”, të cilin e përshkroi si një nga filmat e saj të preferuar të të gjitha kohërave.
Jennifer Lopez dhe Ben Affleck i dhanë fund martesës së tyre në vitin 2025, pas një marrëdhënieje që për vite me radhë ka qenë në qendër të vëmendjes së mediave dhe fansave në mbarë botën.