Mandarinat janë një frut i vogël, por shumë i pasur me lëndë ushqyese dhe përfitime shëndetësore. Një mandarinë mesatare përmban vetëm rreth 50 kalori, por ofron sasi të konsiderueshme të vitaminës C, fibrave dhe mineraleve si kaliumi, bakri dhe magnezi. Vitamina C ndihmon në forcimin e imunitetit dhe rigjenerimin e lëkurës, ndërsa fibrat përmirësojnë tretjen dhe ndihmojnë në ruajtjen e peshës trupore. Falë përmbajtjes së lartë të antioksidantëve, si flavonoidet, mandarinat mbrojnë qelizat nga dëmtimet oksidative dhe mund të ndihmojnë në uljen e rrezikut për sëmundje kronike si diabeti apo sëmundjet e zemrës.
Megjithatë, mandarinat nuk janë të përshtatshme për të gjithë. Personat me sëmundje të veshkave duhet t’i konsumojnë me kujdes për shkak të përmbajtjes së lartë të kalciumit, ndërsa ata që vuajnë nga refluksi apo ndjeshmëria e stomakut mund të përjetojnë shqetësime për shkak të aciditetit të tyre. Konsumimi i tepërt mund të shkaktojë fryrje apo gazra. Përfitimet maksimale arrihen kur konsumohen të freskëta, ndërsa duhet shmangur versionet e konservuara në shurup me sheqer të shtuar, pasi reduktojnë vlerat ushqyese të këtij fruti të shëndetshëm.