Konsumimi i shumë ëmbëlsirave gjatë terapisë me antibiotikë mund ta përkeqësojë çrregullimin e mikrobiomës së zorrëve, sipas një studimi të publikuar në revistën Nature.
Studiuesit analizuan ushqimin dhe mostrat e jashtëqitjes së pacientëve të shtruar në spital për transplantim të qelizave burimore të gjakut. Ata vunë re se konsumimi i ushqimeve të pasura me sheqer gjatë përdorimit të antibiotikëve lidhej me ulje të llojllojshmërisë së baktereve të zorrëve dhe me shtim të baktereve të gjinisë Enterococcus. Disa prej tyre mund të shkaktojnë infeksione dhe të jenë rezistente ndaj antibiotikëve.
Eksperimentet te minjtë treguan gjithashtu se sheqeri e shtonte dhe e zgjaste rritjen e këtyre baktereve pas përdorimit të antibiotikëve.