Princ Leka dhe Elia Zaharia kanë vendosur të ndahen zyrtarisht. Kjo ka ndodhur pas një periudhe reflektimi dhe bisedimesh midis tyre, siç është konfirmuar edhe në postimin e tyre në rrjetet sociale.
Martesa e tyre, siç thonë ata, ka humbur funksionin dhe për shkak të kësaj, kanë vendosur të ndërmarrin hapat ligjorë për të mbyllur këtë kapitull në jetën e tyre. Ky ka qenë një vendim i përbashkët dhe i mirëkuptuar nga të dy palët.
Në këtë kohë të ndarjes, ata shprehin përkushtimin e tyre ndaj vajzës së tyre, Geraldina. Princ Leka përmend se, pavarësisht nga ndarja e tyre, mirëqenia dhe zhvillimi i Princeshës Geraldinë do të mbeten në qendër të vëmendjes së tyre. Ata shprehin bindjen se respekti dhe mirëkuptimi reciprok do të jenë themelet e marrëdhënies së tyre në të ardhmen.
