Cate Blanchett, një nga aktoret më të mëdha të kinemasë moderne dhe fituese e dy çmimeve Oscar, vazhdon të zgjedhë projekte të papritura pavarësisht karrierës gati tridekadëshe. Në filmin e pavarur australian The New Boy, ajo portretizon për herë të parë një murgeshë – një rol që, sipas saj, e ka dashur gjithmonë. Blanchett tha se murgeshat janë figura “misterioze” dhe se ideja e fshehjes dhe përkushtimit shpirtëror e ka tërhequr prej kohësh, ndaj pranoi menjëherë pjesëmarrjen në këtë projekt të vogël, të cilin ajo e prodhoi vetë.
Edhe pse ka interpretuar role madhore në filma si Lord of the Rings, Thór: Ragnarok, Tár dhe ka marrë pjesë në produksione prestigjioze televizive, Blanchett vazhdon të ndjekë projekte që e sfidojnë artistikisht, pa u kufizuar nga pritshmëritë komerciale. Roli në The New Boy, bashkë me angazhimet e fundit në Frankenstein, The School for Good and Evil dhe projekte të Steven Soderbergh e Jim Jarmusch, dëshmon se Blanchett mbetet një aktore që nuk ka frikë të rizbulojë veten dhe të sjellë surpriza në çdo fazë të karrierës së saj.