Cardi B dhe Offset kanë lënë përkohësisht mënjanë mosmarrëveshjet e tyre për të festuar së bashku ditëlindjet e dy fëmijëve. Ish-çifti mori pjesë në një festë të përbashkët për djalin Wave, i cili mbushi 5 vjeç dhe vajzën Blossom, e cila mbushi 2 vjeç.
Festa ishte organizuar me dy tema: Disney për Blossom dhe “Sonic the Hedgehog” për Wave. Ambienti ishte mbushur me dekorime dhe harqe me balona, ndërsa për fëmijët kishte lojëra karnavalesh dhe një kënd me topa. Cardi B u shfaq e veshur si Minnie Mouse, ndërsa Offset publikoi një video të Wave duke kërcyer me pambuk sheqeri në dorë.
Megjithëse të dy ishin të pranishëm, Cardi dhe Offset nuk u shfaqën së bashku në asnjë nga fotografitë apo videot që publikuan nga festa. Dy reperët vazhdojnë procesin e divorcit, i cili ende nuk është finalizuar pasi Cardi paraqiti kërkesën për herë të dytë në vitin 2024.
Ish-çifti ka tre fëmijë së bashku: Kulture, Wave dhe Blossom. Pavarësisht tensioneve që kanë shoqëruar ndarjen e tyre, kjo nuk është hera e parë që Cardi B dhe Offset bashkohen për momente të rëndësishme të fëmijëve.