Reperi shqiptar, Capital T, ka ndarë një nga momentet më të rëndësishme të karrierës së tij, duke takuar ikonën e futbollit, Ronaldo Nazario. Në një postim të ndarë në Instagram, ai ka publikuar një foto të tyre të përqafuar.
Capital T nuk ka ngurruar të shpalli admirimin dhe respektin e tij për Ronaldon, duke e quajtur “heroin e tij të fëmijërisë” dhe një prej më të mirëve në fushë dhe jashtë saj. Për më tepër, ai ka bërë një kujtim të veçantë nga vizita e Ronaldos në Kosovë pas luftës së vitit 1999, duke theksuar empatinë dhe solidaritetin e futbollistit brazilian me popullin e Kosovës.
