Brooklyn Beckham ka reaguar për herë të parë publikisht ndaj tensioneve të gjata familjare, duke deklaruar në Instagram se ka “heshtur për vite” ndërsa prindërit e tij, David dhe Victoria Beckham, sipas tij, kontrollonin narrativat mediatike dhe përpiqeshin të minonin marrëdhënien e tij me Nicole Peltz. Në postimin e gjatë, 26-vjeçari pretendoi se presioni ndaj tij filloi para dasmës në vitin 2022 dhe se familja e tij ka përdorur mediat për të përhapur “gënjeshtra”, ndërsa ai kërkonte të mbronte privatësinë. Ai përmendi edhe raste konkrete gjatë përgatitjeve të dasmës, duke thënë se ndërhyrjet e prindërve e kanë bërë raportin e tyre “të pashërueshëm”.
Brooklyn theksoi se ndihet i çliruar që prej largimit nga familja dhe se ai dhe gruaja e tij kërkojnë “paqe dhe privatësi”, duke mohuar narrativat se Nicole e kontrollon. Ai pretendoi gjithashtu se ka qenë objekt i sulmeve në rrjetet sociale dhe se kontaktet me vëllezërit janë ndërprerë. Ndërkohë, reagime zyrtare nga familja Beckham ende mungojnë, por rrëfimi i tij ka ndezur një debat të gjerë publik për marrëdhëniet në një nga familjet më të famshme britanike.