Aktorja e njohur hollivudiane Bo Derek feston sot, më 20 nëntor, ditëlindjen e saj të 70-të. Në një intervistë, ylli i filmit “10” ka zbuluar se nuk i pëlqejnë festat e mëdha, pasi shpesh përfundon duke u kujdesur për mysafirët në vend që ta shijojë ditën e saj të veçantë.
Bashkëshorti i saj, aktori John Corbett, i ka propozuar një ide romantike: në vend të një feste të madhe, të organizojnë darka të vogla me nga një ose dy miq, duke kaluar kohë cilësore me secilin prej tyre. Bo Derek e ka pëlqyer aq shumë këtë ide, sa planifikon ta zbatojë edhe për 70-vjetorin.
Çifti është bashkë që nga viti 2002 dhe u martua në një ceremoni private në vitin 2020. Aktorja tregon se sekreti i marrëdhënies së tyre është humori, dashuria dhe kënaqësia që gjejnë në gjërat e thjeshta të jetës. Sipas saj, Corbett vazhdon ta bëjë të qeshë edhe pas më shumë se dy dekadash së bashku.


