Anashkalimi i mëngjesit nuk nënkupton domosdoshmërisht kontroll më të mirë të kalorive. Sipas disa studimeve , personat që nuk hanë mëngjes mund të kenë rritje më të madhe të sheqerit në gjak pas drekës, ndërsa te personat me diabet tip 2 kontrolli i glukozës mund të përkeqësohet.
Kur hamë, karbohidratet shndërrohen kryesisht në glukozë, ndërsa insulina ndihmon që ajo të kalojë nga gjaku në qeliza. Ritmi dhe përbërja e vakteve mund të ndikojnë në mënyrën se si organizmi e menaxhon këtë proces gjatë gjithë ditës.
Për një nivel më të qëndrueshëm të sheqerit, rekomandohet një mëngjes që përmban proteina dhe fibra, si dhe kombinimi i karbohidrateve me proteina dhe fibra.