Sipas padisë, Cameron thuhet se është frymëzuar pasi e kishte parë Kilcher në filmin The New World të regjisorit Terrence Malick. Në dokumente pretendohet se “identiteti i saj biometrik dhe trashëgimia kulturore indigjene” janë shfrytëzuar për krijimin e një ekskluziviteti filmik pa njohje apo kompensim financiar.
Në padi përmendet edhe një takim në vitin 2010, ku sipas saj Cameron i kishte dhuruar një skicë të kornizuar të Neytiri-t me një mesazh ku thuhej se bukuria e saj kishte qenë “frymëzimi i hershëm” për personazhin.
Po ashtu, një intervistë e regjisorit që u shpërnda më vonë në rrjetet sociale thuhet se e forcoi pretendimin, pasi Cameron përmendi Kilcher si referencë për dizajnin e fytyrës së Neytiri-t.