Llogaria zyrtare e aktorit të ndjerë Robin Williams në Instagram është riaktivizuar pas më shumë se një dekade. Fëmijët e tij, Zak, Zelda dhe Cody, kanë treguar se profili do të shërbejë si një hapësirë e besueshme ku fansat mund të gjejnë fotografi, video dhe kujtime autentike nga jeta dhe karriera e aktorit.
Familja dëshiron të mbrojë figurën dhe zërin e Williams nga përmbajtjet e rreme të krijuara me inteligjencë artificiale. Sipas vajzës së tij Zelda, rikthimi i profilit është një mënyrë për t’i ndihmuar njerëzit të dallojnë materialet e vërteta nga imitimet digjitale dhe për ta ruajtur trashëgiminë e aktorit me respekt, ngrohtësi dhe kujdes.