Më 15 prill kanë ndodhur disa prej ngjarjeve më të rëndësishme në historinë botërore. Pikërisht në këtë datë në vitin 1912, anija më e famshme e kohës, Titaniku, u mbyt në udhëtimin e saj të parë, duke marrë me vete jetën e 1.523 pasagjerëve. Ndërkohë, më 2019, një zjarr i madh shkatërroi pjesërisht katedralen Notre-Dame në Paris, e cila pas një pune intensive restaurimi, u rihap zyrtarisht në dhjetor të vitit 2024.
Kjo datë gjithashtu shënon lindjen e figurave të rëndësishme si guru Nanak – themeluesi i Sikhizmit (1469), dhe Henri James, një prej romancierëve më të njohur amerikanë (1843). Në të njëjtën ditë, në 1980, ndërroi jetë filozofi ekzistencialist Jean-Paul Sartre, ndërsa më 1989 u zhvillua një nga tragjeditë më të rënda sportive në Angli – katastrofa e Hillsborough, ku humbën jetën 96 tifozë.