Legjenda britanike e muzikës rock dhe blues, Eric Clapton, ka njoftuar një turne evropian për vitin 2027, ku përfshihet edhe Zagrebi.
Kitaristi dhe këngëtari i famshëm do të performojë më 5 maj 2027 në Arena Zagreb, duke u rikthyer para publikut kroat pas plot 48 vjetësh. Koncertet e tij të fundit në këtë qytet ishin mbajtur në vitin 1979.
Përveç Zagrebit, Clapton do të koncertojë edhe në Sofje më 7 maj, Budapest më 10 maj dhe Łódź të Polonisë më 12 maj. Më pas, turneu do të vazhdojë në Birmingham dhe Londër.
Biletat do të dalin në shitje më 20 nëntor 2026, ndërsa parashitja për anëtarët e klubit të fansave fillon më 18 nëntor.
Njoftimi i turneut vjen në prag të publikimit të një edicioni të zgjeruar të albumit The Road to Escondido, të realizuar në bashkëpunim me muzikantin J.J. Cale.
I njohur për hitet e paharrueshme si Wonderful Tonight, Tears in Heaven dhe Layla, Eric Clapton vazhdon të mbetet një nga emrat më të respektuar të muzikës botërore.


