Kanye West dhe bashkëshortja e tij, Bianca Censori, janë parë së fundmi në ishullin spanjoll të Mallorkës, ku po qëndrojnë në një qendër rehabilitimi. Dyshja, sipas mediave ndërkombëtare, ndodhen në qendrën “The Balance Rehab Clinic”, e cila trajton problemet me varësitë dhe shëndetit mendor, me një çmim prej deri në 150,000 euro në javë.
Kjo qëndër ofron shërbime të tilla si trajtime për varësinë ndaj alkoolit dhe drogës, rikuperim nga stresi dhe ankthi, si edhe terapi të personalizuara për trajtimin e traumave dhe jo vetëm.
Përveç kësaj, Kanye ka vendosur të shesë vilën e tij në Malibu, të cilën e bleu për 21 milionë dollarë vetëm gjashtë muaj më parë dhe tani është në shitje për rreth 50 milionë dollarë.
Çifti u pa për herë të parë në ishull, më 19 prill, duke bërë blerje në një dyqan erotik, ku sipas stafit të dyqanit, ata blenë rreth 20 artikuj, përfshirë një ari të vogël të veshur me rroba lëkure që përdoren në praktikat BDSM-së. Pas kësaj, ata u panë duke darkuar në një restorant indian në Cala d’Or, ku i dhanë fund thashethemeve për një ndarje të mundshme.
Kanye West, i njohur gjithashtu si Ye, ka qenë në qendër të vëmendjes për sjelljet dhe deklaratat e tij gjatë vitit 2025. Në maj, ai publikoi këngën “Heil Hitler”, e cila përmbante vargje që lavdëronin Adolf Hitlerin dhe përdorte simbole naziste, si svastika. Kënga u fshi nga shumica e platformave të transmetimit digjital për shkak të përmbajtjes së saj të papërshtatshme, por mbeti e disponueshme në disa platforma si X (Twitter).
Po ashtu, ai ka tronditur edhe me deklarata të tjera, ku ka ofenduar ish-bashkëshorten e tij, Kim Kardashian apo është shprehur se ka kryer marrëdhënie seksuale me kushëririn e tij në fëmijëri.