Kur bëhet fjalë për mëngjes, si vezët ashtu edhe tërshëra janë zgjedhje shumë të mira, por përgjigjja se cila është më e mirë varet nga qëllimi juaj. Tërshëra është e pasur me fibra, vitamina dhe minerale dhe ndihmon në shëndetin e zemrës, tretje më të mirë dhe energji të qëndrueshme gjatë ditës. Nga ana tjetër, vezët janë burim i shkëlqyer proteinash cilësore dhe ju mbajnë të ngopur më gjatë, duke ndihmuar në ndërtimin e muskujve dhe kontrollin e oreksit .
Ekspertët theksojnë se nuk ka një fitues absolut, gjithçka varet nga nevojat tuaja. Nëse doni më shumë energji dhe fibra, zgjidhni tërshërën; nëse kërkoni proteina dhe ngopje më të gjatë, vezët janë zgjedhja më e mirë . Në fund, mënyra e përgatitjes është po aq e rëndësishme: shtimi i sheqerit në tërshërë apo yndyrave të tepërta në vezë mund ta bëjë çdo opsion më pak të shëndetshëm.