Gati tri dekada pas vdekjes së Princeshës Diana, vëllai i saj Charles Spencer ka vendosur të tregojë për herë të parë historinë e saj nga këndvështrimi i tij. Libri me titull “Swan Song: Diana, My Sister” do të publikohet më 22 shtator 2026 dhe pritet të sjellë kujtime personale, rrëfime nga fëmijëria e tyre dhe detaje nga java tragjike e vdekjes së Dianës.
Spencer thotë se dëshiron të korrigjojë pretendimet e pavërteta që janë përhapur ndër vite dhe t’ua prezantojë brezave të rinj personalitetin e vërtetë të motrës së tij. Botuesi e ka cilësuar librin si një rrëfim emocional dhe zbulues, i cili do të publikohet në 12 gjuhë.