Ekzaminimi i trupit të qenit të ngordhur, të gjetur në fund të shkurtit pranë shtëpisë së aktorit Gene Hackman dhe bashkëshortes së tij Betsy Arakawa në Santa Fe, New Mexico, konfirmoi se shkaku i vdekjes ishte uria dhe etja.
Sipas raportit të autoriteteve lokale për mbrojtjen e kafshëve, nuk u gjetën shenja sëmundjesh infektive, lëndimesh apo helmimesh që mund të kishin shkaktuar ngordhjen e qenit. Zina, një qen i racës së përzier me prejardhje skoceze Kelpie, ishte një nga tre qentë e çiftit. Trupi i saj u gjet në dollapin e banjës, pranë trupit të Arakawës. Dy qentë e tjerë mbijetuan.
Javën e kaluar, autoritetet amerikane konfirmuan se Hackman kishte ndërruar jetë si pasojë e një sëmundjeje të zemrës, e cila mund të ishte e lidhur me Alzheimerin, ndërsa nuk kishte qenë në dijeni se gruaja e tij kishte ndërruar jetë një javë më parë në banjë. Ajo vuante nga një sëmundje e rrallë pulmonare e lidhur me ekspozimin ndaj brejtësve dhe kishte marrë një ilaç për këtë, i cili u gjet i derdhur pranë trupit të saj.