Gomari i vogël, Peri (shkurtim i emrit Perikle), që lindi në Nju Jork në vitin 1994, ka shërbyer si frymëzim për krijimin e personazhit të njohur të gomarit në filmin legjendar të animuar Shrek. Me zërin brilant të Eddie Murphy-t, gomari gazmor dhe bisedues u bë një figurë ikonike në kulturën pop. Kujdestarja e tij, Jenny Kirtley, në një intervistë të vitit 2021, tregoi se sjelljet dhe mimika e Perit, si përkulja e kokës dhe mënyra si ecte, u reflektuan tërësisht në personazhin e gomarit në film.
Në moshën pesëvjeçare, Peri pozoi për animatorët dhe u pagua 75 dollarë për punën e tij. Ai vuante nga një gjendje e pashërueshme e quajtur laminit, e cila prek thundrat e kafshëve. Megjithatë, me kujdesin e duhur, jetoi një jetë të gjatë për një gomar, pasi këta zakonisht jetojnë midis 25 dhe 40 vjet.
