Bota e serialit legjendar Grey’s Anatomy është tronditur nga lajmi i dhimbshëm për ndarjen nga jeta të aktorit Eric Dane, i njohur për rolin e Dr. Mark “McSteamy” Sloan.
Aktori ndërroi jetë në moshën 53-vjeçare, pas një beteje me sëmundjen ALS (Amyotrophic Lateral Sclerosis), një sëmundje neurodegjenerative progresive që prek neuronet motorike.
Ish-bashkëaktorja e tij në serial, Kate Walsh, ndau një mesazh emocionues në rrjetet sociale, duke kujtuar skenën e parë që ndau me Dane në “Grey’s Anatomy”.
Ajo tregoi se ai ishte nervoz në skenën e pare, por shumë shpejt dëshmoi talentin e tij, duke u kthyer në një nga personazhet më të dashur të serialit.
“E dashuroja ndjeshmërinë dhe cenueshmërinë e tij,” shkroi Walsh, duke shtuar se kasti i serialit ishte bërë si familje pas viteve të gjata bashkëpunimi.
Eric Dane do të kujtohet jo vetëm si “McSteamy”, por si një aktor me karizëm, ndjeshmëri dhe prani të fuqishme në ekran.
Lajmi ka prekur miliona fansa në mbarë botën, të cilët kanë mbushur rrjetet sociale me mesazhe ngushëllimi dhe kujtime nga momentet ikonike të serialit.
“Grey’s Anatomy” ka trajtuar shumë histori dramatike në ekran – por kjo humbje reale ka prekur thellë zemrat e publikut. 🕊️