Toyota investoi 500 milionë dollarë të tjera në kompaninë “Joby Aviation” në partneritet me synimin për të nisur biznesin tregtar të kompanisë amerikane të taksive ajrore.
Investimi i Toyota do të përdoret për të mbështetur certifikimin dhe prodhimin e një avioni të ngjashëm me helikopterin për shërbime taksi, njoftuan të dyja kompanitë sot.
Investimi total i Toyota-s do të arrin në 894 milionë dollarë, që do të thotë se Toyota do të zotërojë 22 për qind të aksioneve të kompanisë në të cilën investon.
Investimi i sotëm bazohet në bashkëpunimin gati shtatëvjeçar mes dy kompanive, tha Joe Ben Bevirt, themelues dhe drejtor ekzekutiv i kompanisë “Joby Aviation”.
“Njohuria dhe mbështetja e Toyota-s kanë qenë çelësi i suksesit tonë… teksa realizojmë vizionin tonë të përbashkët për të ardhmen e udhëtimeve ajrore”, shtoi ai.