Rrjeti social TikTok po përballet me presion për të përmirësuar standardet e sigurisë dhe për të mbrojtur përdoruesit e rinj nga përmbajtjet potencialisht të dëmshme. Prandaj, TikTok do të prezantojë kufizime për përdoruesit nën moshën 18 vjeç në lidhje me përdorimin e filtrave të zbukurimit. Këto kufizime do të zbatohen për filtrin popullor Bold Glamour. TikTok po forcon gjithashtu sistemet e tij për të identifikuar dhe hequr nga platforma përdoruesit nën moshën 13 vjeç.
Platforma tashmë ka larguar 20 milionë llogari në mbarë botën për shkak të përdoruesve që janë më të rinj se sa lejohet. Këto ndryshime janë pjesë e një tendence më të gjerë për të rregulluar sigurinë e mediave sociale, përpara zbatimit të paralajmëruar të rregulloreve më të rrepta dhe dënimeve potencialisht të larta për shkeljen e rregullave të sigurisë në internet. Rrjetet e tjera sociale, si Roblox, Instagram dhe Facebook, po marrin gjithashtu hapa për të mbrojtur përdoruesit e rinj.
