Pas më shumë se një dekade të sukseseve të frikshme, saga legjendare e horrorit “The Conjuring” po vjen në një përfundim epik me filmin e fundit “The Conjuring: Last Rites”. Patrick Wilson dhe Vera Farmiga do të rikthehen për herë të fundit si Ed dhe Lorraine Warren, për t’u përballur me rastin më të tmerrshëm të karrierës së tyre – demonët që përndjekin familjen Smarl.
Regjisori Michael Chaves, i njohur për filmat “The Curse of La Llorona” dhe “The Conjuring: The Devil Made Me Do It”, sjell një histori të mbështetur në ngjarje të vërteta, ku Warren-ët përballen jo vetëm me të mbinatyrshmen, por edhe me frikërat e tyre më të errëta. “The Conjuring: Last Rites” do të debutojë në kinema më 5 shtator, duke premtuar një finale drithëruese për sagën më të suksesshme të horrorit në histori.