Taylor Swift dhe Travis Kelce kanë blerë një pronë buzë liqenit në Bratenahl, një zonë ekskluzive pranë Clevelandit, për rreth 5.3 milionë dollarë. Shtëpia ka rreth 21 mijë metra katrorë sipas njësisë amerikane të sipërfaqes (square feet), tetë dhoma gjumi dhe 11 banjo, si dhe pishinë, kinema private, palestër, sallë bilardoje dhe ambiente të tjera luksoze.
Edhe pse banorët janë të emocionuar për ardhjen e Swift dhe Kelce, një burim lokal tha se nuk pret që ata të shqetësohen nga njerëzit e zonës. Si shembull përmendet edhe ylli i NBA-së LeBron James, i cili ka jetuar në zonë pa u shqetësuar nga fqinjët.
Megjithatë, kureshtja është e madhe. Banorët pyesin nëse Taylor dhe Travis do të kalojnë shumë kohë në shtëpinë e re dhe nëse aty do të organizohen festa me të ftuar të famshëm. Vendndodhja mund të jetë veçanërisht praktike edhe për çiftin, pasi aeroporti Burke Lakefront, i përdorur kryesisht nga avionët privatë, ndodhet vetëm pak minuta larg.
Për Kelce, zona ka edhe rëndësi personale: ai është rritur në Cleveland Heights, jo shumë larg pronës së re.