Një studim i realizuar nga Cleveland Clinic ka zbuluar se testosteroni mund të ketë efekt mbrojtës kundër Glioblastoma, një prej formave më agresive të kancerit të trurit. Studiuesit zbuluan se ulja e hormoneve androgjene përshpejton rritjen e tumorit, ndërsa meshkujt që merrnin terapi me testosteron kishin 38% më pak rrezik vdekjeje krahasuar me pacientët që nuk e përdornin atë.
Shkencëtarët analizuan të dhënat e më shumë se 1,300 burrave me glioblastomë dhe arritën në përfundimin se testosteroni mund të ndihmojë në ruajtjen e mbrojtjes imunitare të trurit. Sipas ekspertëve, zbulimi sfidon bindjet e mëparshme se hormonet mashkullore mund të nxisin këtë lloj kanceri dhe mund të hapë rrugën për trajtime të reja në të ardhmen. Megjithatë, studiuesit theksojnë se nevojiten prova klinike shtesë për të konfirmuar efektin e testosteronit te pacientët me këtë sëmundje.